औरंगाबाद : डॉ. बाबासाहेब आंबेडकर मराठवाडा विद्यापीठातील प्राणिशास्त्र विभागात पीएच.डी.चे संशोधन करणाऱ्या तरुणाने एकतर्फी प्रेमातून स्वत:च्या अंगावर पेट्रोल टाकून जाळून घेत संशोधक तरुणीला कवटाळले. ही घटना शासकीय विज्ञान संस्थेतील बायोफिजिक्स विभागाच्या प्रयोगशाळेत सोमवारी दुपारी पावणेदोनच्या सुमारास घडली. यात तरुण ९० टक्क्यांपेक्षा अधिक, तर तरुणी ४० टक्क्यांपेक्षा अधिक जळाल्याची माहिती घाटीतील डॉक्टरांनी दिली. मुलाची प्रकृती चिंताजनक असून, दोघांवर अतिदक्षता विभागात उपचार करण्यात येत आहेत.
नेमकं काय घडलं ?
पूजाला रविवारी तिच्या एका सहकारी महिलेने विभागात बोलावून घेतले होते. तिच्यामागे गजानन हासुद्धा विभागातील प्रयोगशाळेत आला. त्याने येताच पाठीवरील बॅगमधून पेट्रोलची बाटली काढत स्वत:च्या अंगावर ओतून घेतली.
काही पेट्रोल पूजाच्याही अंगावर फेकले. तेव्हा तिच्या सहकारी महिलेने तिला पळून जाण्यास सांगितले. तेवढ्यात गजानन याने प्रयोगशाळेचा दरवाजा बंद केला; तसेच त्याने लायटरने स्वत:ला पेटवून घेतले. त्याच्या अंगाने पेट घेताच त्याने पळत जाऊन पूजाला कवटाळले.
पेट्रोल असल्यामुळे काही वेळातच आग सर्वत्र पसरली. पूजाने स्वत:ला त्याच्या तावडीतून सोडवून घेतले, मात्र तोपर्यंत तिचा चेहरा, डोक्याचा काही भाग जळाला होता. एकाएकी घडलेल्या प्रकारामुळे एकच गोंधळ उडाला.
संस्थेतील इतरांनी आग नियंत्रणात आणून दोघांना तत्काळ घाटी रुग्णालयात दाखल केले. डॉक्टरांच्या प्राथमिक तपासणीत गजानन हा ९० टक्क्यांपेक्षा अधिक, तर पूजा ४० टक्क्यांपेक्षा अधिक जळाली आहे. गजानन याची प्रकृती गंभीर असून, दोघांवर ‘आयसीयू’मध्ये उपचार सुरू आहेत.
तिने माझा वापर केला :
पूजाने माझा वापर केला, आता ती माझ्याशी लग्न करत नाही. तिने माझा वापर केला असा आरोप गजानन याने केला आहे. यातूनच तो पूजा शिकवत असलेल्या महाविद्यालयात गेला . येथे स्वतःला पेटवून घेत पूजाला त्याने मिठी मारली. दरम्यान, काही दिवसांपूर्वी पूजाने पोलीस स्टेशनमध्ये गजानन आपल्याला त्रास देत असल्याची तक्रार दिली असल्याची माहिती आहे.
प्रेमप्रकरणातून झाली घटना
दरम्यान, गजानन आणि पूजाचे प्रेम संबंध होते. मात्र, काही महिन्यांपासून पूजा आणि गजाननमध्ये वाद सुरु होते. पूजा त्याला टाळत होती. यामुळे गजानन अस्वस्थ होता. यातूनच गजाननने आज स्वतःला पेटवून घेत पूजाला मिठी मारली, अशी माहिती आहे.
Ayushi Murder : ट्रॉली बॅग, त्यात मुलीचा मृतदेह आणि वडिलांचा यमुना एक्स्प्रेस पर्यंतचा थरारक प्रवास!
