इंदापूर/प्रतिनिधी:- विद्या प्रतिष्ठान इंदापूर इंग्लिश मीडियम स्कूल मध्ये बाल दिन उत्साहात साजरा यावेळी स्वतंत्र भारताचे पहिले पंतप्रधान पंडित जवाहरलाल नेहरू यांच्या जयंतीचे औचित्य साधून विद्या प्रतिष्ठान इंदापूर इंग्लिश मीडियम स्कूल इंदापूर मध्ये विद्यालयाच्या प्राचार्या सौ ज्योती जगताप इन्चार्ज अनुराधा इनामदार तसेच विद्यार्थी प्रतिनिधी साईराज रघुनाथ वाघ व संस्कृती विनायक थोरात यांच्या हस्ते प्रतिमेचे पूजन करून बाल दिन साजरा केला.
तसेच विद्यार्थ्यांच्या अंगी असणाऱ्या सुप्त कलागुणांना वाव देण्यासाठी व त्यांच्यातील प्रतिभा जागृत करण्यासाठी विद्यार्थ्यांनी विविध गुणदर्शनाचे दर्शन या कार्यक्रमातून करण्यात आले. व शिक्षकांनी आपल्यातील असणाऱ्या व्यक्तिमत्वाच्या द्वारे विविध कार्यक्रम सादर केले.
विद्यालयाच्या प्राचार्यांनी स्वतःमध्ये व विद्यार्थ्यांमध्ये विविध गुण असतात ते सादर केल्यास त्या कला गुणांमध्ये वाढ व विकास होतो असा अनमोल संदेश दिला.
या कार्यक्रमाचे आयोजन विजय नवल, हेमलता फुटाणे व आभार प्रदर्शन मच्छिंद्र साळुंखे यांनी केले.
